پاکستانی انٹرٹینمنٹ انڈسٹری کے دونوں نامور فنکاروں سینئر اداکارہ عتیقہ اوڈھو اور اداکار فہد مصطفیٰ کے درمیان تلخ جملوں کے تبادلے کے بعد دونوں فنکاروں نے ایک دوسرے سے معافی مانگ لی۔
نجی ٹی وی چینل پر نشر ہونے والے لائیو گیم شو کے دوران شو کے میزبان اور اداکار فہد مصطفیٰ نے سینئر اداکارہ عتیقہ اوڈھو کے متنازع تبصرے پر باضابطہ معافی مانگ لی۔
پروگرام کے دوران فہد مصطفیٰ نے عتیقہ اوڈھو کو براہ راست مخاطب کیا اور ان کے پہلے طنزیہ جواب پر افسوس کا اظہار کیا، جس پر سوشل میڈیا پر شدید تنقید بھی ہوئی۔
انہوں نے کہا عتیقہ آپا آپ ہماری سینئر ہیں اور ہم سب آپ سے پیار کرتے ہیں اور اس میں کوئی شک نہیں کہ آپ پاکستان کی خوبصورت ترین خواتین میں سے ایک ہیں۔ میں آپ کے سامنے عاجزی محسوس کرتا ہوں۔ اللہ آپ کو جزائے خیر دے۔ میں معافی چاہتا ہوں۔
دوسری جانب عتیقہ اوڈھو نے اس سے قبل سوشل میڈیا پر فہد مصطفیٰ سے معافی مانگتے ہوئے ان سے معاملہ ختم کرنے کی اپیل کی تھی۔
ناہو نے اپنی پوسٹ میں لکھا کہ فہد ایک باصلاحیت اور محنتی پیشہ ور ہے۔ آپ نے دل کو چھو لینے والا جواب دیا، لیکن یہ بدقسمتی ہے کہ عوامی شخصیات کو چھوٹے چھوٹے الفاظ میں بھی تنقید کا نشانہ بنایا جاتا ہے۔ اگر میں نے غیر ارادی طور پر ان کو یا کسی اور کو تکلیف پہنچائی ہو تو میں معذرت خواہ ہوں۔ آئیے معاف کریں اور آگے بڑھیں۔ ہم سب انسان ہیں، اور انسان غلطیوں کا شکار ہیں۔
دونوں فنکاروں کے درمیان تنازع اس وقت شروع ہوا جب ایک انٹرویو کے دوران عتیقہ اوڈھو نے فہد مصطفیٰ کو مشورہ دیا کہ وہ اپنی عمر کی کسی اداکارہ کے ساتھ کام کریں۔ اس کے جواب میں فہد مصطفیٰ نے طنزیہ انداز اپنایا جسے نہ صرف انٹرٹینمنٹ انڈسٹری کی شخصیات بلکہ ناظرین اور سوشل میڈیا صارفین نے بھی ناپسند کیا۔