نئی دہلی (ڈیلی پاکستان آن لائن) بھارت کے شہر گجرات میں احمد آباد یونیورسٹی میں اپنی ہاسٹلری میں نماز ادا کرنے والے مسلمان طلباء پر ہندو انتہا پسندوں نے حملہ کر دیا جس کے نتیجے میں 5 طلباء زخمی ہو گئے۔
نجی ٹی وی ’زیو نیوز‘ کے مطابق بھارتی میڈیا نے بتایا کہ احمد آباد میں گجرات یونیورسٹی کیمپس میں کوئی مسجد نہ ہونے کی وجہ سے وہاں پڑھنے والے غیر ملکی مسلمان طلبہ اپنی رہائش گاہوں میں نماز تراویح ادا کر رہے ہیں۔ معلوم ہوا ہے کہ گجرات یونیورسٹی کے ہاسٹل میں مقیم غیر ملکی طلباء کا تعلق افریقی ممالک، افغانستان اور ازبکستان سے ہے۔
گجرات کے وزیر داخلہ ہرش سنگھوی نے گجرات پولیس کے اعلیٰ افسران کو ہدایت کی ہے کہ اس واقعہ میں ملوث افراد کو جلد از جلد گرفتار کیا جائے اور شفاف تحقیقات کو یقینی بنایا جائے۔ دریں اثنا، ایک پولیس اہلکار نے بتایا کہ ایک ایف آئی آر درج کی گئی ہے اور کیس کی تحقیقات کے لیے نو ٹیمیں تشکیل دی گئی ہیں۔