واشنگٹن (ڈیلی پاکستان آن لائن) پاکستان کے کرپٹو کرنسی کے وزیر بلال بن ثاقب نے کہا ہے کہ ایلون مسک کی خلائی
تفصیلات کے مطابق بلال بن ثاقب کا کہنا تھا کہ یہ کامیابی نئے سٹارٹ اپ سٹار کلاؤڈ نے حاصل کی ہے جس کا ایسا آئیڈیا سامنے آیا ہے جس کا کوئی سوچ بھی نہیں سکتا تھا۔
انہوں نے کہا کہ پہلے تو کسی نے اس خیال کو سنجیدگی سے نہیں لیا لیکن اب سٹار کلاؤڈ نے NVIDIA H100 کو خلا میں بھیجا ہے اور دنیا کا پہلا ڈیٹا سینٹر GPU زمین کے کم مدار (تقریباً 500 کلومیٹر اونچائی) میں نصب کر دیا ہے۔ یہ ڈیٹا سینٹرز زمین کے گرد چکر لگاتے ہوئے سورج کی روشنی سے مسلسل طاقت حاصل کرتے ہیں۔
سب سے حیران کن بات یہ ہے کہ یہ خلائی مشن عموماً 5 سے 7 سال کی منصوبہ بندی اور تجربات کے بعد مکمل ہوتے ہیں لیکن سٹار کلاؤڈ نے یہ کام صرف 21 ماہ اور 2 دن میں مکمل کر لیا۔ ماہرین کا کہنا ہے کہ یہ مستقبل میں ایک نئی ملٹی بلین ڈالر کی اسپیس ڈیٹا سینٹر انڈسٹری کو جنم دے سکتا ہے۔