لاہور (ویب ڈیسک) پاکستان کرکٹ بورڈ (پی سی بی) نے پاکستان سپر لیگ (پی ایس ایل) 10 کے دو میچوں کا شیڈول تبدیل کر دیا۔
پی سی بی کی جانب سے جاری بیان کے مطابق یکم مئی کو ملتان کا میچ لاہور منتقل کر دیا گیا ہے۔ ملتان سلطانز اور کراچی کنگز یکم مئی کو لاہور میں مدمقابل ہوں گے اور میچ سہ پہر 3 بجے شروع ہوگا۔
اس سے قبل میچ کے دن ملتان سٹیڈیم میں ہونا تھا۔ یکم مئی کو قذافی اسٹیڈیم میں ڈبل ہیڈر ہوگا۔یکم مئی کی رات لاہور قلندرز اور کوئٹہ گلیڈی ایٹرز کے درمیان بھی میچ ہوگا۔
11 مئی کو ملتان سلطانز اور کوئٹہ گلیڈی ایٹرز کے درمیان میچ ملتان میں ہوگا۔ یہ میچ 10 مئی کو ملتان میں شیڈول تھا۔ کئی مشورے کے بعد شیڈول میں تبدیلی کی گئی۔
تبدیلی کا فیصلہ آپریشنل آسانی اور گرمی کی حالیہ لہر کو مدنظر رکھتے ہوئے کیا گیا۔ پی سی بی کے مطابق یکم مئی کے ملتان میچ کے ٹکٹ واپس کر دیے جائیں گے جب کہ یکم مئی کے لاہور کے ٹکٹ ہولڈرز اب ڈبل ہیڈر سے لطف اندوز ہو سکتے ہیں۔ ملتان میں 10 مئی کے میچ کے ٹکٹ 11 مئی سے کارآمد ہوں گے۔