کراچی (کمرشل رپورٹر) وزیراعلیٰ سندھ سید مراد علی شاہ کی زیر صدارت سندھ کابینہ کے اجلاس میں گل پلازہ آتشزدگی کے متاثرین کے لیے 7 ارب روپے اور ترقیاتی منصوبوں کے لیے اربوں روپے کی منظوری دی گئی۔ اور کسی بھی صورت میں عوام کو سرکاری نرخوں پر اشیاء کی فراہمی کو یقینی بنایا جاتا ہے۔ وزیر اعلیٰ سندھ مراد علی شاہ کی زیر صدارت صوبائی کابینہ کا اجلاس ہوا جس میں صوبائی وزراء، مشیران، معاونین خصوصی اور اعلیٰ حکام نے شرکت کی۔ اجلاس میں رمضان المبارک کے دوران قومی ریلیف اور مہنگائی پر قابو پانے کے اقدامات کا جائزہ لیا گیا۔ چیف سیکریٹری سندھ نے اجلاس کو بتایا کہ رمضان المبارک کے دوران مہنگائی کے خلاف کریک ڈاؤن جاری ہے، 870 دکانوں کا معائنہ کیا گیا اور 24 لاکھ روپے جرمانہ عائد کیا گیا۔ وزیر بلدیات ناصر حسین شاہ نے فنانس کمیٹی کی سفارشات پیش کیں جنہیں سندھ کابینہ نے منظور کرلیا۔ کلیدی ترقیاتی اقدامات میں کراچی کی سڑکوں کی تعمیر نو کے لیے 8.053 ارب روپے، گل پلازہ کے آتشزدگی کے متاثرین کے لیے 7 ارب روپے، آئی آئی چندریگر روڈ پر تاریخی عمارتوں کے تحفظ کے لیے 1.057 ارب روپے، حیدرآباد میونسپل کارپوریشن کے لیے 5.020 ارب روپے اور پیپلز آئی ٹی پروگرام کے فیز 2 کے تحت نوجوانوں کی آئی ٹی ٹریننگ کے لیے 90 ارب روپے شامل ہیں۔ وزیر اعلیٰ سندھ نے کہا کہ عوام کو ریلیف فراہم کرنا حکومت کی اولین ترجیح ہے اور قیمتوں میں مصنوعی اضافہ کرنے والوں سے سختی سے نمٹا جائے گا۔ روزگار اور آئی ٹی تعلیم ہمارا مستقبل ہیں۔